ܢܝܣܢ 10
ܕܘܟܬܐ ܕܦܝܫ ܠܗ̇ ܩܪܝܬܐ ܩܪܩܦܬܐ (ܠܘܩܐ ܟܓ: 23)
ܪܘܼܡܬܵܐ ܕܓܵܓ̣ܘܿܠܬܵܐ ܝܠܵܗ̇ ܪܘܼܡܬܵܐ ܕܝܲܗܒ̣ܲܠܬܵܐ ܕܠܸܒܵܐ. ܒܲܝܬܵܐ ܕܒܘܼܝܵܐܵܐ ܒܸܢܝܵܐ ܝܠܹܗ ܡ̣ܢ ܩܲܝܣܵܐ ܕܙܩܝܼܦܵܐ. ܗܲܝܟܠܵܐ ܕܒܘܼܪܟܬܵܐ ܫܡܲܝܵܢܵܝܬܵܐ ܫܘܼܬܐܸܣܵܐ ܝܠܹܗ ܥܲܠ ܩܵܝܵܐ ܟ̰ܠܝܼܦܵܐ ـ ܟ̰ܠܝܼܦܵܐ ܒܗ̇ܝ ܪܘܼܡܚܵܐ ܕܟ̰ܪܸܙܠܵܗ̇ ܠܕܸܦܢܘܼܗܝ. ܗܸܟ̃ ܗܲܩܝܲܬ ܠܲܝܬ ܓܵܘ ܬܵܪܝܼܚ ܩܲܕܝܼܫܬܵܐ ܕܟܹܐ ܡܲܚܕܝܼܵܐ ܠܠܸܒܵܐ ܐܲܝܟ̣ ܗܲܩܝܲܬ ܕܓܵܓ̣ܘܿܠܬܵܐ.
ܠܹܗ ܝܠܵܗ̇ ܥܵܓ̰ܸܒܘܼܬܵܐ ܓܘܼܪܬܵܐ
ܕܣܵܥܲܬ ܒܘܼܫ ܚܸܫܟܵܢܬܵܐ ܕܕܘܼܢܝܹܐ
ܝܵܗܒ̣ܵܐ ܠܠܸܒܵܐ ܚܕܵܐ ܢܝܼܚܘܼܬܵܐ
ܒܘܼܫ ܡ̣ܢ ܫܸܚܕܵܐ ܕܣܖ̈ܵܦܹܐ ܚܸܕܝܹ̈ܐ
ܘܦܫܝܼܡܵܐ: ܥܲܝܢܘ̈ܗܝ ܠܙܩܝܼܦܵܐ ܡܲܪܸܡ
ܙܵܘܕܵܐ ܡ̣ܢ ܠܟܵܘܟ̣ܒ̣ܵܐ ܕܒܹܝܬܠܚܸܡ؟
ܒܲܗܪܵܐ ܒܸܙܪܵܩܵܐ ܝܠܹܗ ܡ̣ܢ ܚܘܼܒ̣ܝܵܐ ܕܦܲܠܓܵܐ ܕܝܵܘܡܵܐ ܕܓܵܓ̣ܘܿܠܬܵܐ: ܘܟܠ ܝܲܪܩܵܐ ܕܕܸܫܧܵ ܡܲܓ̰ܝܘܼܢܹܐ ܝܠܹܗ ܒܚܵܕܘܼܬܵܐ ܬܚܘܿܬ ܛܸܠܵܢܝܼܬܵܐ ܕܩܲܝܣܵܐ ܕܠܘܼܛܧܵ. ܒܗ̇ܝ ܕܘܼܟܧܵ ܕܨܵܗ݉ܘܵܐ ܫܵܦܵܩܲܬ ܚܦܝܼܪܬܵܐ ܝܠܵܗ̇ ܚܲܕ݉ ܩܘܼܢܝܵܐ ܕܗܲܠ ܐܵܒܵܕ ܡܲܢܒ̣ܘܼܥܹܐ ܝܠܹܗ ܡ̈ܝܼܵܐ ܨܸܦܝܹ̈ܐ ܐܲܝܟ̣ ܩܪܸܣܛܸܠܘܿܣ: ܕܟܠ ܢܵܛܘܼܦܬܵܝ ܒܲܣܵܐ ܝܠܵܗ̇ ܠܒܵܣܘܿܡܹܐ ܕܲܖ̈ܕܹܐ ܕܟܠܵܗ̇ ܕܘܼܢܝܹܐ. ܐܵܢܝܼ ܕܚܸܙܝܹܐ ܝܢܵܐ ܙܲܒ̣ܢܹ̈ܐ ܕܟ̰ܲܢܟ̰ܲܠܧܵ: ܒܸܬ ܡܵܘܕܝܼ ܕܠܵܐ ܡܘܼܫ݉ܟ̰ܸܚ ܠܗ݉ܘܿܢ ܝܲܗ݉ܒ̣ܲܠܧܵ ܕܠܸܒܵܐ ܥܲܠ ܛܘܼܪܵܐ ܕܙܲܝܧܹ: ܐܘܼܦ ܠܵܐ ܥܲܠ ܣܝܼܢܲܝ ܝܲܢ ܬܵܒ̣ܘܿܪ: ܐܸܠܵܐ ܓܵܘ ܓܲܕܣܹܡܵܢ ܘܥܲܠ ܓܵܓ̣ܘܿܠܧܵ ܡܘܼܫ݉ܟ̰ܸܚ ܠܗ݉ܘܿܢ ܢܝܵܚܵܢܝܼ ܘܚܵܕܘܼܬܵܐ. ܝܲܖ̈ܩܹܐ ܡܲܝܖܹ̈ܐ ܕܓܵܕܣܹܡܵܢ ܪܵܒܵܐ ܓܵܢܹ̈ܐ ܒܘܼܣܡܹܐ ܝܢܵܐ ܠܕܲܖ̈ܕܹܐ ܡܲܝܖܹ̈ܐ ܕܚܲܝܵܘܟ̣ܘ̈ܢ: ܘܢܲܟܢܲܟܝܵܬܹ̈ܐ ܕܓܵܓ̣ܘܿܠܧܵ ܡܘܼܥܪܸܩܹܐ ܝܢܵܐ ܠܟܠܵܝ ܬܵܚܡܵܢܝܵܬܵܘ̈ܟ̣ܘܿܢ. ܗܲܕܟ̣ܵܐ: ܓܵܓ̣ܘܿܠܧܵ ܟܹܐ ܝܲܗܒ̣ܵܐ ܠܲܢ ܚܵܕܘܼܬܵܐ ܓ̰ܸܢܣ ܘܡܵܪܹܐ ܛܝܼܡܵܐ. ܐܲܚܢܲܢ ܗܸܟ̃ ܠܹܐ ܗܵܘܲܚ ܗ݉ܘܵܘ ܬܕܝܼܥܹܐ ܠܚܘܼܒܵܐ ܕܡܫܝܼܚܵܐ ܒܟܠܹܗ ܪܵܘܡܘܼܗܝ ܘܥܘܼܡܩܘܼܗܝ ܐܸܢ ܠܵܐ ܗܵܘܝܼ ܗ݉ܘܵܐ ܡܝܼܬܵܐ: ܘܐܘܼܦ ܠܚܘܼܒܵܐ ܥܵܡܘܿܩܵܐ ܕܒܵܒܵܐ ܠܹܐ ܪܵܥܫܲܚ ܗ݉ܘܵܘ ܐܸܢ ܠܵܐ ܗܵܘܹܐ ܗ݉ܘܵܐ ܝܘܼܗܒ̣ܘܼܗܝ ܒܪܘܿܢܘܼܗܝ ܠܸܡܝܵܬܵܐ. ܡ̣ܢ ܒܘܼܖ̈ܟܵܬܹܐ ܕܥܵܕܲܬ ܟܹܐ ܡܵܨܲܚ ܠܹܝܠܵܦܵܐ ܒܘܼܬ ܚܘܼܒܵܐ ܕܐܲܠܵܗܵܐ ܠܟܸܣܠܲܢ. ܐܝܼܢܵܐ ܐܸܢ ܒܵܥܲܚ ܚܵܙܲܚ ܐܸܘܩܝܵܢܘܿܣ ܕܚܘܼܒܘܼܗܝ: ܓܵܪܵܓ ܕܩܵܙܕܲܚ ܠܙܩܝܼܦܵܐ. ܗ̇ܘ ܕܡܘܼܫܬܵܪܝܼ ܝܠܹܗ ܠܹܝܕܵܥܵܐ ܚܘܼܒܵܐ ܡܘܼܕܝܼ ܝܠܹܗ: ܫܒ̣ܘܿܩ ܐܵܙܸܠ ܠܓܵܓ̣ܘܿܠܧܵ ܘܚܵܙܹܐ ܠܐ݉ܢܵܫܵܐ ܕܚܲܫܹ̈ܐ ܒܸܡܝܵܬܵܐ.