ܢܝܣܢ 11

 ܐܝܟ̣ ܡ̈ܝܐ ܦܝܫ ܠܝ ܬܘܦܟ̣ܐ: ܘܦܝܫ ܠܗ݉ܘܢ ܦܪܝܫܐ ܟܠܝ ܓܖ̈ܡܝ (ܡܙܡܘܪܐ ܟܒ: 14)

ܫܡܲܝܵܐ ܘܐܲܪܥܵܐ ܗܸܟ̃ ܚܙܹܐ ܠܗ݉ܘܿܢ ܚܕܵܐ ܚܙܵܝܬܵܐ ܒܘܼܫ ܡܲܦܫܸܡܵܢܬܵܐ ܡ̣ܢ ܐܵܗܵܐ؟ ܒܦܲܓ̣ܪܵܐ ܘܒܪܘܼܚܵܐ ܡܵܪܲܢ ܗ݉ܘܹܐ ܠܹܗ ܙܲܒܘܼܢ ܐܲܝܟ̣ ܡ̈ܝܼܵܐ ܬܘܼܦܟ̣ܹܐ ܥܲܠ ܐܲܪܥܵܐ. ܒܕܝܵܫܧܵ ܕܙܩܝܫܦܵܐ ܓܵܐ ܫܵܘܦܵܐ ܕܥܩܝܼܪܵܐ ܝܗ݉ܘܵܐ ܩܵܬܘܼܗܝ ܟܠܵܝ ܘܲܨܠܹ̈ܐ ܘܫܸܖ̈ܝܵܢܹܐ ܕܦܲܓ̣ܪܘܼܗܝ ܦܝܼܫ ܠܗ݉ܘܿܢ ܬܘܼܢܬܸܪܹܐ ܪܵܒܵܐ ܚܸܪܒܵܐ: ܘܥܒ̣ܘܿܕ ܒܵܘܵܪ ܪܵܒܵܐ ܡ̣ܢ ܓܲܖ̈ܡܘܼܗܝ ܫܠܝܼܦ ܠܗ݉ܘܿܢ ܡ̣ܢ ܕܘܼܟܵܝ. ܐܲܠܒܲܬ ܟܠܵܗ̇ ܐܵܗܵܐ ܪܵܒܵܐ ܡܵܪܹܐ ܨܵܢܓ̰ܘܼܝ ܝܗ݉ܘܵܐ ܩܵܬܘܼܗܝ: ܘܟܲܕ ܝܘܼܩܪܵܐ ܕܟܠܹܗ ܦܲܓ̣ܪܘܼܗܝ ܢܦܝܼܠܵܐ ܝܗ݉ܘܵܐ ܥܲܠ ܐܝܼܕܵܬܘܼ̈ܗܝ ܘܐܲܩܠܵܬܘܼ̈ܗܝ ܦܘܼܖ̈ܟܸܢܹܐ: ܨܲܢܓ̰ܘܼܼܝ ܒܸܙܝܵܕܵܐ ܝܗ݉ܘܵܐ ܡ̣ܢ ܕܵܩܝܼܩܵܐ ܠܕܵܩܝܼܩܵܐ ܒܟܠܵܝ ܐܵܢܝܼ ܐܸܫܸܬ ܣܵܥܲܧܹ̈ ܕܓ̰ܘܼܢܓ̰ܵܪܵܐ. ܙܲܒܘܼܢܘܼܬܹܗ ܘܛܒ̣ܝܼܚܘܼܬܹܗ ܪܵܒܵܐ ܚܲܝܠܵܢܹ̈ܐ ܝܗ݉ܘܵܘ: ܗܲܕܟ̣ܵܐ ܕܠܹܐ ܐܵܬܝܼ ܠܡܲܕܘܼܥܹܐ. ܐܝܼܡܵܐ ܕܕܵܢܝܼܐܹܝܠ ܢܒ̣ܝܼܵܐ ܚܙܹܐ ܠܹܗ ܗ̇ܘ ܚܸܙܘܵܐ ܓܘܼܪܵܐ: ܒܹܐܡܵܪܵܐ ܝܠܹܗ: ܠܐ ܦܝܫ ܠܗ ܫܒ̣ܝܩܐ ܒܝܝ ܚܝܠܐ: ܘܙܪܝܦܘܬܝ ܦܝܫ ܠܗ̇ ܕܝܪܬܐ ܐܠܝ ܠܚܪܒ̣ܬܐ: ܘܠܐ ܚܘܡܐ ܠܝ ܚܝܠܐ. ܟܡܵܐ ܙܵܘܕܵܐ ܝܗ݉ܘܵܐ ܓ̰ܘܼܢܓ̰ܵܪܵܐ ܢܒ̣ܝܼܵܐ ܕܝܼܲܢ ܐܝܼܡܵܐ ܕܚܙܹܐ ܠܹܗ ܚܸܙܘܵܐ ܣܲܗܡܵܢܵܐ ܕܟܲܪܒܵܐ ܕܐܲܠܵܗܵܐ ܘܪܥܹܫ ܠܹܗ ܒܝܼܘܼܗ̇ ܗܲܪ ܓܵܘ ܓܵܢܵܐ ܕܓܵܢܘܼܗܝ! ܓ̰ܘܼܢܓ̰ܵܪܵܐ ܐܲܝܟ̣ ܗ̇ܘ ܕܦܵܪܘܼܩܲܢ ܐܲܚܢܲܢ ܗܲܪ ܠܹܐ ܡܵܨܲܚ ܗ݉ܘܵܘ ܠܩܲܒܘܼܠܘܼܗܝ ܒܹܐ ܗܘܼܫܘܼܬܵܐ  ܒܸܡܪܲܚܡܵܢܘܼܬܘܼܗ̇ ܒܸܬ ܐܵܬܝܼܵܐ ܝܗ݉ܘܵܐ ܠܗܲܝܘܼܪܲܢ. ܡܵܪܲܢ ܦܝܼܫ ܠܹܗ ܕܘܼܪܒܸܢܵܐ ܘܪܥܸܫ ܠܹܗ ܠܡܲܪܥܵܐ ܕܕܲܪܒܹܗ: ܫܬܹܐ ܠܹܗ ܟܵܣܵܐ: ܘܫܩܝܼܠ ܠܹܗ ܛܲܥܡܵܐ ܕܟܠ ܢܵܛܘܿܦܬܘܼܗܝ.

ܝܵܐ ܡܲܠܟܵܐ ܕܚܲܫܹ̈ܐ! ܟܡܵܐ ܥܓ̰ܝܼܒܵܐ ܫܸܡܵܐ:

ܩܵܐ ܕܝܼܘܼܟ̣ ܒܢܲܦ̮ܫܵܐ ܟܹܐ ܗܵܘܹܐ ܠܚܝܼܡܵܐ:

ܝܵܐ ܡܲܠܟܵܐ ܕܕܲܖ̈ܕܹܐ! ܕܵܐܟ̣ܝ݉ ܩܵܬܘܼܟ̣ ܦܵܫܡܸܢ:

ܟܲܕ ܠܚܲܫܹ̈ܐ ܕܝܼܘܼܟ̣ ܠܲܝܬ ܡܘܼܡܟܸܢ ܡܵܛܹܝܢ؟

ܟܲܕ ܒܵܪܟܲܚ ܩܲܕ݉ܡ ܬܪܘܿܢܘܿܣ ܕܦܵܪܘܿܩܲܢ ܕܐܵܕܝܼܵܐ ܐ݉ܣܝܼܩܵܐ ܝܠܹܗ ܠܫܡܲܝܵܐ: ܫܒ̣ܘܿܩ ܕܨܦܵܝܝܼ ܕܵܟ̣ܪܲܚ ܒܡܘܼܕܝܼ ܐܘܼܪܚܵܐ ܗ̇ܘ ܗܘܼܕܪܘܼܗ̇ ܝܠܹܗ ܗ̇ܝ ܬܪܘܿܢܘܿܣ ܐܘܼܦ ܩܵܬܲܢ. ܫܒ̣ܘܿܩ ܕܫܵܬܲܚ ܡ̣ܢ ܟܵܣܘܼܗܝ ܒܪܘܼܚܲܢ ܩܵܐ ܕܦܵܝܫܲܚ ܚܘܼܠܸܢܹܐ ܩܵܐ ܣܵܥܲܬ ܕܓ̰ܘܼܪܵܒܵܐ ܟܠ ܥܕܵܢܵܐ ܕܐܵܬܝܼܵܐ ܥܲܠܲܢ. ܕܵܐܟ̣ܝܼ ܕܦܲܓ̣ܪܹܗ ܟܝܵܢܵܝܵܐ ܦܠܝܼܛ ܠܹܗ ܡ̣ܢ ܓܵܘ ܟܠܵܝ ܚܲܫܹ̈ܐ ܘܕܲܖ̈ܕܹܐ ܕܠܵܐ ܚܘܼܙܕܵܓܵܐ ܩܵܐ ܚܸܩܪܵܐ ܘܚܲܝܠܵܐ ܐܵܒܵܕܝܼܢܵܝܵܐ: ܗܲܕܟ̣ܵܐ ܐܘܼܦ ܦܲܓ̣ܪܘܼܗܝ ܪܘܼܚܵܢܵܝܵܐ ܒܸܬ ܦܵܠܸܛ ܡ̣ܢ ܟܘܼܪܵܐ ܕܠܵܐ ܪܹܝܚܵܐ ܕܝܩܝܼܘܼܕܵܐ ܒܝܼܘܼܗܝ.