ܢܝܣܢ 17

ܩܘܪܒܢܘܟ̣ܘܢ ܠܕܡܐ ܕܡܪܝܣܬܐ ܕܗܡܙܘܡܐ ܝܠܗ ܒܘܫ ܨܦܝܝ ܡܢ ܗܘ ܕܗܒ̣ܝܠ (ܥܒ̣ܖ̈ܝܐ ܝܒ: 22-24)

ܩܵܪܝܵܢܵܐ: ܩܘܼܪܒܸܢܵܐ ܝܘܸܬ ܠܕܸܡܵܐ ܕܡܲܪܝܲܣܬܵܐ؟ ܒܵܩܲܪܬܵܐ ܠܹܐ ܝܠܵܗ̇: ܐܸܢ ܩܸܢܝܵܐ ܝܘܸܬ ܝܕܵܥܬܵܐ ܕܝܘܼܠܦܵܢܵܐ: ܝܲܢ ܐܸܢ ܢܛܝܼܪܹܐ ܝܘܸܬ ܐ݉ܖ̈ܵܙܹܐ ܘܖܹ̈ܙܹܐ: ܝܲܢ ܐܸܢ ܩܘܼܒܠܵܐ ܝܘܸܬ ܚܲܕ݉ ܟܵܪ ܦܪܝܼܫܵܐ: ܐܝܼܢܵܐ ܩܘܼܪܒܸܢܵܐ ܝܘܸܬ ܠܕܸܡܵܐ ܕܡܫܝܼܚܵܐ؟ ܕܸܡܵܐ ܕܡܫܝܼܚܵܐ ܝܠܹܗ ܚܲܝܘܼܬܵܐ ܕܕܸܚܠܲܬ ܐܲܠܵܗܵܐ ܚܵܝܬܵܐ. ܐܸܢ ܐ݉ܬܝܼܵܐ ܝܘܸܬ ܠܟܸܣ ܡܫܝܼܚܵܐ: ܒܝܼܕܵܥܵܐ ܝܘܲܚ ܕܵܐܟ̣ܝܼ ܐ݉ܬܹܐ ܠܘܼܟ̣: ܪܘܼܚܵܐ ܕܩܘܼܕܫܵܐ ܩܵܡ ܡܲܝܹܬ݉ܐ ܠܘܼܟ̣ ܠܟܸܣܠܘܼܗܝ: ܐܝܼܡܵܐ ܕܐ݉ܬܹܐ ܠܘܼܟ̣: ܠܟܸܣ ܕܸܡܵܐ ܕܡܲܪܝܲܣܬܵܐ ܠܲܝܬ ܗ݉ܘܵܐ ܠܘܼܟ̣ ܛܵܒ̣ܬܵܐ ܕܓܵܢܘܼܟ̣. ܟܲܕ ܓܘܼܢܵܗܟܵܪ ܝܼܘܸܬ ܗ݉ܘܵܐ: ܘܬܠܝܼܩܵܐ: ܘܒܹܐܟ̰ܵܪܵܐ: ܐ݉ܬܹܐ ܠܘܼܟ̣ ܠܟܸܣ ܐܵܗܵܐ ܕܸܡܵܐ ܐܲܝܟ̣ ܗܹܒ̣ܝܼܘܼܟ̣ ܐܵܒܵܕܝܼܢܵܝܬܵܐ. ܐ݉ܬܹܐ ܠܘܼܟ̣ ܠܟܸܣ ܙܩܝܼܦܵܐ ܕܡܫܝܼܚܵܐ ܒܚܲܕ݉ ܠܸܒܵܐ ܡܘܼܠܝܸܨܵܐ ܘܪܵܓܕܵܢܵܐ: ܟܡܵܐ ܒܲܣܝܼܡܵܐ ܝܗ݉ܘܵܐ ܩܵܬܘܼܟ̣ ܩܵܠܵܐ ܕܕܸܡܵܐ ܕܡܫܝܼܚܵܐ! ܢܛܵܦܬܵܐ ܕܕܸܡܘܼܗܝ ܐܲܝܟ̣ ܡܘܼܣܝܼܩܝܼ ܫܡܲܝܵܢܵܝܬܵܐ ܝܠܵܗ̇ ܩܵܐ ܬܵܘܒܵܟܵܖܹ̈ܐ ܕܐܲܪܥܵܐ. ܐܲܚܢܲܢ ܡܸܠܝܵܐ ܝܘܲܚ ܡ̣ܢ ܚܛܝܼܬܵܐ: ܐܝܼܢܵܐ ܦܵܪܘܿܩܲܢ ܟܹܐ ܦܵܩܸܕ ܠܲܢ ܠܡܲܪܘܿܡܹܐ ܥܲܝܢ̈ܲܢ ܠܟܸܣܠܘܼܗܝ: ܟܠ ܢܵܛܘܿܦܬܵܐ ܕܕܸܡܵܐ ܕܒܸܨܠܵܝܵܐ ܝܠܵܗ̇ ܡܸܢܵܝ ܩܲܘܘܼܚܹܐ ܝܠܵܗ̇: ܗܐ ܡܘܡܡܐ ܝܠܗ: ܓ̣ܠܝܒܐ ܝܘܢ ܠܚܛܝܬܐ: ܘܡܘܩܡܐ ܝܘܢ ܙܕܝܩܘܬܐ ܐܒܕܝܢܝܬܐ. ܐܸܢ ܐ݉ܬܝܼܵܐ ܝܘܸܬ ܠܟܸܣ ܕܸܡܵܐ ܕܡܫܝܼܚܵܐ ܚܕܵܐ ܓܵܗܵܐ: ܒܸܬ ܐܵܬܹܝܬ ܠܟܸܣܠܘܼܗܝ ܒܕܵܝܸܡܘܼܬܵܐ. ܒܟܠܵܝ ܚܲܝ̈ܘܼܟ̣ ܒܸܬ ܗܵܘܹܝܬ ܒܸܚܝܵܪܵܐ ܠܝܑܼܫܘܿܥ. ܒܟܠܵܝ ܚܕܵܖ̈ܘܼܟ̣ ܒܸܬ ܗܵܘܹܝܬ ܩܲܪܒܘܼܢܹܐ ܐܸܠܹܗ: ܠܵܐ ܕܡܸܛܝܵܐ ܝܘܸܬ ܠܟܸܣܠܹܗ: ܐܸܠܵܐ ܕܩܲܪܒܘܼܢܹܐ ܝܘܸܬ ܙܵܘܕܵܐ ܘܒܘܼܫ ܙܵܘܕܵܐ ܐܸܠܹܗ. ܐܸܢ ܗܸܟ̃ ܐ݉ܬܹܝܼܵܐ ܝܘܸܬ ܠܟܸܣ ܕܸܡܵܐ ܕܡܲܪܝܲܣܬܵܐ: ܒܸܬ ܪܵܥܫܸܬ ܠܣܢܝܼܩܘܼܬܘܼܟ̣ ܠܹܐܬܵܝܼܵܐ ܠܟܸܣܠܘܼܗܝ ܡ̣ܢ ܝܵܘܡܵܐ ܠܝܵܘܡܵܐ ܒܘܼܫ ܙܵܘܕܵܐ. ܫܘܼܠܹ̈ܐ ܥܒ̣ܝܼܖܹ̈ܐ ܡܵܪܹܐ ܫܸܟ ܝܼܢܵܐ ܩܵܐ ܟܪܸܣܛܝܵܢܵܐ. ܚܵܕܘܼܬܵܐ ܘܝܲܗܒ̣ܲܠܬܵܐ ܕܠܸܒܵܐ ܐܲܚܟ̰ܝܼ ܟܹܐ ܡܵܨܹܐ ܠܩܲܒܘܼܠܵܝ ܡ̣ܢ ܚܕܵܐ ܩܲܪܒܵܢܬܵܐ ܒܙܲܒ̣ܢܵܐ ܕܩܲܐܸܡ. ܒܐܵܗܵܐ ܩܵܝܕܲܡܬܵܐ ܫܒ̣ܘܿܩ ܕܡܲܪܝܸܣܲܚ ܥܲܠ ܫܝܼܦܵܐ ܕܬܲܪܥܲܢ ܕܸܡܵܐ ܬܵܙܵܐ: ܘܗ̇ܝܓܵܗ ܐܵܟ̣ܠܲܚ ܥܹܐܕܲܢ ܒܦܹܐܪܵܐ: ܟܲܕ ܗܵܘܲܚ ܚܵܛܸܪܓ̰ܲܡܥ ܕܡܲܠܲܐܟ̣ܵܐ ܒܸܬ ܥܵܒ̣ܸܪ ܡܸܢܲܢ.