ܐܨܚܬܐ ܓܪܘܣܬܐ

ܒܙܲܒ̣ܢܵܐ ܕܦܘܼܠܚܵܢܝܼ ܒܚܲܩܠܵܐ ܕܐܹܘܲܢܓܲܠܝܼܘܿܢ ܚܙܹܐ ܠܝܼ ܣܢܝܼܩܘܼܬܵܐ ܓܘܼܪܬܵܐ ܩܵܐ ܒܲܨܡܵܢܬܵܐ ܕܗܸܡܸܙܡܵܢ ܕܐܲܠܵܗܵܐ ܒܐܵܬܘܵܬܹ̈ܐ ܓܲܖ̈ܘܿܣܹܐ. ܒܐܵܗܵܐ ܐܘܼܪܚܵܐ ܗܲܡܘܼܢܵܐ ܝܘܸܢ ܕܩܪܵܝܬܵܐ ܕܗܸܡܸܙܡܵܢ ܕܐܲܠܵܗܵܐ ܒܸܬ ܗܵܘܝܵܐ ܒܘܼܫ ܦܫܘܿܩܬܵܐ (ܗܵܣܵܢܵܝܼ) ܩܵܐ ܝܵܠܘܿܦܹ̈ܐ ܫܲܖ̈ܘܵܝܹܐ ܕܠܹܫܵܢܵܐ ܕܝܸܡܲܢ: ܐܘܼܦ ܙܹܐ ܩܵܐ ܚܘܵܖ̈ܕܸܩܢܲܢ ܘܚܘܵܖ̈ܟܘܼܣܲܢ: ܐܵܢܝܼ ܕܐܝܼܬ ܠܗ݉ܘܿܢ ܥܲܣܩܘܼܬܵܐ ܒܸܩܪܵܝܬܵܐ ܕܐܵܬܘܵܬܹ̈ܐ ܕܲܩܝܩܹ̈ܐ. ܨܲܠܘܿܝܵܐ ܝܘܸܢ ܕܐܵܗܵܐ ܛܘܼܒܵܩܵܐ ܦܵܐܸܫ ܡܘܼܦܠܸܚܵܐ ܒܝܲܕ ܪܘܼܚܵܐ ܕܐܲܠܵܗܵܐ ܕܩܵܖ̈ܝܵܢܹܐ ܝܲܩܝܼܖܹ̈ܐ ܓܲܪܘܸܣܝܼ ܒܗܲܝܡܵܢܘܼܬܵܐ ܡܫܝܼܚܵܝܬܵܐ ܘܡܲܢܬܝܼ ܒܠܹܫܵܢܵܐ ܐܵܬܘܿܪܵܝܵܐ.

ܡܵܪܝܵܐ ܒܲܪܸܟ̣ ܠܦܘܼܠܚܵܢܹ̈ܐ ܕܡܲܫܚܸܕܵܢܹ̈ܐ ܦܪܸܣܒܝܬܖ̈ܵܝܹܐ ܕܐܵܡܲܝܪܸܟܵܐ: ܐܵܢܝܼ ܕܒܡܸܨܥܵܝܘܼܬܵܐ ܕܚܘܵܖ̈ܕܸܩܢܹܐ ܖ̈ܘܼܚܵܢܵܝܹܐ ܐܵܬܘܿܖ̈ܵܝܹܐ ܒܡܕܝܼܢ݉ܬܵܐ ܕܐܘܼܪܡܝܼ ܦܘܼܫܸܩ ܠܗ݉ܘܿܢ ܟܬܵܒ̣ܵܐ ܩܲܕܝܼܫܵܐ ܒܠܹܫܵܢܵܐ ܣܘܵܕܵܝܵܐ. ܐܸܕܝܘܿܡ: ܒܗܲܕܵܪܬܵܐ ܕܐܵܗܵܐ ܐܲܨܲܚܬܵܐ: ܐܵܢܵܐ ܡܝܲܩܘܼܪܵܐ ܝܘܸܢ ܠܦܠܵܛܵܐ ܛܝܼܡܵܢܵܐ ܕܦܘܼܠܚܵܢܵܐ ܕܐܝܼܕܵܬܹ̈ܐ ܕܐܵܢܝܼ ܐܲܚܘܿܢܘܵܬ̈ܲܢ: ܗ̇ܘ ܕܙܵܘܕܵܐ ܡ̣ܢ ܡܐܵܐ ܫܸܢܹ̈ܐ ܦܝܼܫ ܠܹܗ ܡܘܼܦܠܸܚܵܐ ܒܟܵܪܘܿܙܘܼܬܵܐ ܘܡܲܫܚܵܕܬܵܐ ܩܵܐ ܡܲܚܵܝܬܵܐ ܕܚܲܛܵܝܹ̈ܐ ܘܩܲܕܵܫܬܵܐ ܕܗܲܡܸܢܵܢܹ̈ܐ. ܒܘܼܬ ܐܝܼܩܵܪܵܐ ܕܐܝܼܬ ܠܝܼ ܩܵܐ ܫܘܼܓ̣ܠܲܝܗܝ ܒܪܝܼܟܼܵܐ ܘܫܲܦܝܼܪܵܐ: ܠܹܐ ܝܘܸܢ ܫܘܼܚܠܸܦܹܐ ܟ̰ܘܼ ܗܸܡܸܙܡܵܢ: ܠܵܐ ܐܘܼܦ ܐܵܢܝܼ ܕܦܝܼܫܵܐ ܝܢܵܐ ܡܘܼܦܠܸܚܹܐ ܒܠܹܫܵܢܹ̈ܐ ܢܘܼܟ̣ܖ̈ܵܝܹܐ! ܐܝܼܢܵܐ ܚܘܒܸܛ ܠܝܼ ܕܐܲܚܟ̰ܝܼ ܗܘܼܓܵܝܵܐ ܦܵܐܸܫ ܡܬܘܼܪܨܵܐ.

ܐܸܢ ܡܲܚܸܒܝܼܬܘܿܢ ܕܫܲܕܪܲܚ ܠܵܘܟ̣ܘܿܢ ܐܵܗܵܐ ܟܬܵܒ̣ܵܐ: ܡܲܕܸܥܡܘܿܢ ܠܝܼ ܒܐܘܼܪܚܵܐ ܕܟܬܝܼܒ̣ܬܵܐ.

ܫܵܦܵܩܲܬ ܕܡܵܪܲܢ ܝܑܼܫܘܿܥ ܡܫܝܼܚܵܐ: ܘܚܘܼܒܵܐ ܕܐܲܠܵܗܵܐ ܒܵܒܵܐ: ܘܫܲܪܝܼܟܘܼܬܵܐ ܕܪܘܼܚܵܐ ܩܲܕܝܼܫܵܐ: ܥܲܡ ܟܠܵܘܟ̣ܘܿܢ: ܐܵܡܹܝܢ.

ܩܫܝܼܫܐ ܐܠܒܝܪܬ ܐܨܠܐܢ