ܐܝܠܘܠ 6
ܘܦܘܫܘܢ ܚܙܝܐ ܓܘܝ ܐܝܟ̣ ܒܗܪܐ ܕܥܠܡܐ (ܦܝܠܝܦܣܝ̈ܐ ܒ: 15)
ܒܲܗܪܵܐ ܟܹܐ ܡܲܦܠܸܚܲܚ ܠܹܗ ܠܸܓܠܵܝܵܐ ܡܸܢܕܝܼܵܢܹ̈ܐ. ܚܲܕ݉ ܐ݉ܢܵܫܵܐ ܟܪܸܣܛܝܵܢܵܐ ܘܵܓ̰ܸܒ ܝܼܠܵܗ̇ ܕܗܲܕܟ̣ܵܐ ܝܲܗܒ̣ܸܠ ܒܲܗܪܵܐ ܒܚܲܝܘܼ̈ܗܝ: ܕܚܲܕ݉ ܐ݉ܢܵܫܵܐ ܚܘܼܒ̣ܝܵܢܵܐ ܠܵܐ ܡܵܨܹܐ ܗܵܘܹܐ ܥܲܡܘܼܗܝ ܚܕܵܐ ܫܲܒܬܵܐ ܕܠܵܐ ܝܠܵܦܬܵܐ ܕܫܘܼܠܵܐ ܕܦܘܼܪܩܵܢܵܐ. ܨܵܘܗܒܲܬܘܼܗܝ ܘܵܓ̰ܸܒ ܝܼܠܵܗ̇ ܕܗܵܘܝܵܐ ܗܵܕܵܐ ܕܟܠܵܝ ܕܝܼܢܵܐ ܠܚܵܕܸܖ̈ܘܵܢܘܼܗܝ ܓ̰ܲܠܕܹܐ ܝܲܕܥܝܼ ܡܵܢܝܼ ܝܠܹܗ ܘܠܡܵܢܝܼ ܒܸܦܠܵܚܵܐ ܝܠܹܗ: ܘܐܘܼܦ ܚܵܙܝܼ ܙܲܗܪܝܼܖܹ̈ܐ ܕܕܵܡܵܝܬܵܐ ܕܡܫܝܼܚܵܐ ܡܘܼܕܸܖܹ̈ܐ ܒܥܵܡܵܠܘܼ̈ܗܝ ܘܒܚܕܵܖ̈ܘܼܗܝ. ܢܝܲܬ ܕܒܲܗܪܵܐ ܙܹܐ ܝܼܠܵܗ̇ ܒܵܠܵܕܟ̰ܝܼܘܼܬܵܐ. ܘܵܓ̰ܸܒ ܝܼܠܵܗ̇ ܕܐܲܚܢܲܢ ܕܥܵܒ̣ܕܲܚ ܒܵܠܵܕܟ̰ܝܼܘܼܬܵܐ ܩܵܐ ܐܵܢܝܼ ܕܝܼܢܵܐ ܒܸܚܕܵܪܵܐ ܒܚܘܼܒ̣ܝܵܐ ܠܚܵܕܸܖ̈ܘܵܢܲܢ. ܓܵܪܵܓ ܕܡܲܚܙܲܚ ܩܵܬܵܝ ܗܸܡܸܙܡܵܢ ܕܚܲܝܹ̈ܐ. ܘܵܓ̰ܸܒ ܝܼܠܵܗ̇ ܕܥܵܒ̣ܕܲܚ ܠܹܗ ܐܸܫܵܪܲܬ ܦܵܪܘܿܩܲܢ ܩܵܐ ܚܲܛܵܝܹ̈ܐ: ܘܡܲܚܙܲܚ ܚܕܵܐ ܢܝܵܚܬܵܐ ܐܲܠܵܗܵܝܬܵܐ ܩܵܐ ܟܟ̰ܝܼܚܹ̈ܐ. ܐ݉ܢܵܫܹ̈ܐ ܚܲܕ݉ܟܡܵܐ ܓܵܗܹ̈ܐ ܟܹܐ ܩܵܪܝܼ ܒܟܬܵܒ̣ܹ̈ܐ ܩܲܕܝܼܫܹ̈ܐ ܘܠܹܐ ܡܵܨܝܼ ܠܦܲܪܡܘܼܝܵܝ. ܐܲܚܢܲܢ ܘܵܓ̰ܸܒ ܝܼܠܵܗ̇ ܕܗܵܘܲܚ ܗܵܙܸܪ: ܐܲܝܟ̣ ܦܝܼܠܝܼܦܘܿܣ: ܠܒܲܗܪܘܼܢܹܐ ܠܨܲܚܨܝܼܵܢܵܐ ܒܗܸܡܸܙܡܵܢ ܕܐܲܠܵܗܵܐ: ܒܐܘܼܪܚܵܐ ܕܦܘܼܪܩܵܢܵܐ ܘܒܚܲܝܹ̈ܐ ܕܕܸܚܠܲܬ ܐܲܠܵܗܵܐ. ܒܲܗܪܵܐ ܡܸܢ݉ܕܪܸܫ݉ ܦܝܼܫܵܐ ܝܠܹܗ ܡܘܼܦܠܸܚܵܐ ܩܵܐ ܡܲܚܒܲܪܬܵܐ. ܥܲܠ ܡܲܖ̈ܙܵܢܹܐ ܡܵܪܹܐ ܩܹܘܲܢܕܹܢܘܿܣ ܕܝܵܡܵܬܹ̈ܐ ܟܹܐ ܒܵܢܝܼ ܒܘܼܖ̈ܓ̰ܹܐ ܝܲܗܒ̣ܵܢܹ̈ܐ ܕܒܲܗܪܵܐ ܕܡܲܚܒܲܪܬܵܐ ܩܵܐ ܓܵܡ̈ܝܹܐ. ܟܖܸ̈ܣܛܝܵܢܹܐ ܟܹܐ ܝܲܕܥܝܼ ܕܪܵܒܵܐ ܒܲܗܖܹ̈ܐ ܕܲܓܵܠܹ̈ܐ ܦܝܵܫܵܐ ܝܢܵܐ ܡܘܼܚܙܝܹܐ ܓܵܘ ܕܘܼܢܝܹܐ: ܒܘܼܬ ܐܵܗܵܐ ܠܵܙܸܡ ܝܼܠܵܗ̇ ܕܐܵܢܝܼ ܡܲܚܙܝܼ ܒܲܗܪܵܐ ܫܲܪܝܼܪܵܐ. ܐܲܚܢܲܢ ܫܒ̣ܘܿܩ ܡܲܪܡܲܚ ܒܲܗܪܵܐ ܣܲܪܲܣܬ ܥܲܠ ܩܵܝܵܐ ܡܵܪܹܐ ܙܕܘܼܥܬܵܐ: ܠܸܓܠܵܝܵܐ ܠܟܠ ܚܛܝܼܬܵܐ: ܠܡܲܚܙܘܼܝܹܐ ܦܠܵܛܘܼܗ̇ ܨܵܘܵܢܵܐ: ܩܵܐ ܕܗܵܘܲܚ ܚܵܠܝܼܨ ܡ̣ܢ ܕܸܡܵܐ ܕܟܠܵܝ ܐ݉ܢܵܫܹ̈ܐ: ܒܲܗܪܘܼܢܹܐ ܐܲܝܟ̣ ܒܲܗܪܵܐ ܕܥܵܠܡܵܐ. ܡܸܢ݉ܕܪܸܫ݉: ܒܲܗܪܵܐ ܐܝܼܬ ܠܹܗ ܚܲܕ ܟܲܪ ܪܵܒܵܐ ܡܲܚܕܝܼܵܢܵܐ: ܘܗܲܕܟ̣ܵܐ ܐܘܼܦ ܟܖܹ̈ܣܛܝܵܢܹܐ. ܟܪܸܣܛܝܵܢܵܐ ܘܵܓ̰ܸܒ ܝܼܠܵܗ̇ ܕܗܵܘܹܐ ܡܪܲܚܡܵܢܵܐ ܘܝܲܗܒ̣ܵܢܵܐ ܕܠܸܒܵܐ: ܠܲܒܸܠ ܒܲܗܪܵܐ ܕܫܸܡܫܵܐ ܥܲܡܘܼܗܝ ܒܟܠ ܕܘܼܟܵܐ ܕܐܵܙܸܠ: ܘܒܲܪܒܸܙ ܚܵܕܘܼܬܵܐ ܠܚܵܕܸܖ̈ܘܵܢܘܼܗܝ.
ܪܘܼܚܵܐ ܛܵܒ̣ܵܐ: ܥܡܘܿܪ ܥܲܡܝܼ ܕܗܵܘܹܝܢ ܛܵܒ̣ܵܐ ܐܘܼܦ ܒܓܵܢܝܼ
ܚܲܝܹ̈ܐ ܕܝܼܘܼܟ̣ ܒܓܵܢܝܼ ܓܵܠܹܝܢ ܡܫܘܼܠܹ̈ܐ ܛܵܒ̣ܹ̈ܐ ܗܸܟ̃ ܠܵܐ ܫܵܠܹܝܢ