ܦܬܘܬܘ̈ܗܝ ܐܝܟ̣ ܟܖ̈ܕܐ ܕܒܣܡܐ: ܒܘܖ̈ܓ̰ܐ ܕܐܕܘ̈ܐ (ܬܫܒܚܝܬ̈ܐ ܗ: 3)

ܗܵܐ: ܡܛܹܐ ܠܹܗ ܝܲܪܚܵܐ ܕܦܸܩܚܹ̈ܐ. ܦܸܩܚܹ̈ܐ ܕܐܵܕܵܪ ܘܡܸܛܖ̈ܵܬܹܐ ܕܢܝܼܣܵܢ ܬܘܼܡܸܡܹܐ ܝܢܵܐ ܫܘܼܠܵܝ: ܘܐܲܪܥܵܐ ܣܘܼܩܸܠܬܵܐ ܝܠܵܗ̇ ܒܫܘܼܦܪܵܐ. ܩܘܼܡ݉ܝ ܓܵܢܝܼ: ܠܒ̣ܘܿܫ ܓ̰ܘܼܠܵܟ̣ܝ̈ ܕܚܵܕܘܼܬܵܐ: ܘܦܠܘܿܛ ܠܓ̰ܲܡܘܼܥܹܐ ܟ̰ܘܼܟ̰ܵܓܹ̈ܐ ܕܚܘܼܫܵܒܹ̈ܐ ܫܡܲܝܵܢܹ̈ܐ. ܟܹܐ ܝܲܕܥܲܬܝ ܠܐܲܝܟܵܐ ܠܹܐܙܵܠܵܐ: ܣܵܒܵܒ ܕܟܖ̈ܕܐ ܕܒܣܡܐ ܒܵܠܵܕ ܝܼܘܲܬܝ ܒܝܼܵܝ: ܘܪܵܒܵܐ ܓܵܗܹ̈ܐ ܡܘܼܡܸܚܬܵܐ ܝܘܲܬܝ ܒܪܹܝܚܵܐ ܚܸܠܝܵܐ ܕܟ̰ܘܼܟ̰ܵܓܹ̈ܐ: ܒܘܼܬ ܐܵܗܵܐ ܒܸܬ ܐܵܙܲܠ݉ܬܝ ܓ̰ܲܠܕܹܐ ܠܟܸܣ ܡܘܼܚܸܒܵܟ̣ܝ: ܘܡܲܫ݉ܟ̰ܚܲܬܝ ܫܘܼܦܪܵܐ ܘܚܵܕܘܼܬܵܐ ܟܵܡܝܼܠ ܒܝܼܘܼܗܝ. ܗ̇ܝ ܦܵܬܵܐ ܕܒܚܕܵܐ ܥܕܵܢܵܐ ܦܝܼܫܬܵܐ ܝܗ݉ܘܵܐ ܡܚܝܼܬܵܐ ܒܩܵܛܝܼܵܐ ܕܙܵܠܝܼܡܹ̈ܐ: ܘܕܪܵܒܵܐ ܓܵܗܹ̈ܐ ܦܝܼܫܬܵܐ ܝܗ݉ܘܵܐ ܡܘܼܬܪܝܼܬܵܐ ܒܕܸܡܥܹ̈ܐ ܕܡܪܲܚܡܵܢܘܼܬܵܐ: ܘܕܩܘܼܒܸܠܬܵܐ ܝܗ݉ܘܵܐ ܪܘܼܩܬܵܐ ܙܹ̃ܐ ــ ܗ̇ܝ ܦܵܬܵܐ ܒܒܲܣܝܼܡܘܼܬܘܼܗ̇ ܐܲܝܟ̣ ܥܸܛܪܵܐ ܪܹܝܚܵܢܵܐ ܝܠܵܗ̇ ܩܵܐ ܠܸܒܝܼ. ܐܲܢ݉ܬ ܠܵܐ ܡܘܼܚܦܸܠ ܠܘܼܟ̣ ܡ̣ܢ ܠܩܲܒܘܿܠܹܗ ܢܚܸܦܬܵܐ ܘܪܘܼܩܬܵܐ: ܝܵܐ ܝܼܫܘܿܥ ܡܫܝܼܚܵܐ: ܒܘܼܬ ܐܵܗܵܐ ܚܵܕܘܼܬܝܼ ܪܹܫܵܝܬܵܐ ܒܸܬ ܗܵܘܝܵܐ ܠܫܲܒܘܿܚܹܐ ܠܫܸܡܘܼܟ̣. ܦܵܬܘܼܟ̣ ܦܝܼܫܬܵܐ ܝܗ݉ܘܵܐ