ܛܒܚ 6

ܢܛܪܢܐ: ܡܘܕܝ ܡܢ ܠܝܠܐ؟ (ܐܫܥܝܐ ܟܐ: 11)

ܡܘܼܕܝܼ ܕܸܫ̃ܡܸܢܹ̈ܐ ܐܝܼܬ ܐܲܖ̈ܙܝܼܒܵܢܲܢ؟ ܚܸܠܛܹ̈ܐ ܝܼܢܵܐ ܚܕܵܐ ܥܲܣܟܵܪ ܓܘܼܪܬܵܐ: ܘܚܸܠܛܹ̈ܐ ܚܵܕ݉ܬܹ̈ܐ ܒܸܩܝܵܡܵܐ ܝܢܵܐ ܒܟܠ ܣܵܥܲܬ. ܡ̣ܢ ܡܘܼܕܝܼ ܗܲܪܵܛܝܼܩܘܼܬܵܐ ܠܵܙܸܡ ܝܼܠܵܗ̇ ܕܗܵܘܹܝܢ ܗܸܫܝܵܪ؟ ܚܛܝܼܵܬܹ̈ܐ ܟܹܐ ܦܵܠܛܝܼ ܡ̣ܢ ܛܵܫܵܝܵܬܹ̈ܐ ܕܒܘܼ̈ܨܵܝ ܒܥܕܵܢܵܐ ܕܚܘܼܒ̣ܝܵܐ. ܐܵܢܵܐ ܒܓܵܢܝܼ ܠܵܙܸܡ ܝܼܠܵܗ̇ ܕܐܵܣܩܸܢ ܥܲܠ ܒܘܼܪܓ̰ܵܐ ܕܢܵܛܪܵܢܵܐ: ܘܗܵܘܹܝܢ ܒܸܢܛܵܪܵܐ ܒܨܠܘܿܬܵܐ. ܢܵܛܘܿܪܲܢ ܫܡܲܝܵܢܵܝܵܐ ܒܸܚܙܵܝܵܝ ܝܠܹܗ ܟܠܵܝ ܗܸܓ̰ܘܼܡܹ̈ܐ ܕܒܸܬ ܦܵܝܫܝܼ ܡܸܚܝܹܐ ܥܲܠܲܢ: ܘܟܲܕ ܗܵܠܵܐ ܖ̈ܵܐܝܹܐ ܕܒܝܼܫܬܵܐ ܕܥܒ̣ܝܼܕܹܐ ܝܢܵܐ ܥܲܠܲܢ ܐܲܚܟ̰ܝܼ ܓܵܘ ܚܝܼܵܠ ܕܣܵܛܵܢܵܐ ܝܢܵܐ: ܗ̇ܘ ܦܵܩܘܿܕܲܢ ܝܼܠܹܗ ܕܠܵܐ ܢܵܦܠܵܐ ܗܲܝܡܵܢܘܼܬܲܢ ܟܲܕ ܦܵܝܫܲܚ ܢܚܝܼܠܹܐ ܐܲܝܟ̣ ܚܸܛܹ̈ܐ. ܝܵܐ ܢܵܛܪܵܢܵܐ ܟܵܪܲܡܕܵܪ: ܕܵܝܸܡ ܡܲܚܒܸܪܲܢ: ܘܒܘܼܬ ܚܵܛܸܪ ܕܨܸܗܝܘܿܢ: ܠܵܐ ܦܵܝܫܸܬ ܫܬܝܼܩܵܐ.

ܢܵܛܪܵܢܵܐ: ܡܘܼܕܝܼ ܡ̣ܢ ܠܲܝܠܹܐ؟ ܡܘܼܕܝܼ ܐܲܗܘܵܠ ܗܕܝܼܪܬܵܐ ܝܠܵܗ̇ ܩܵܐ ܥܹܕܬܵܐ؟ ܥܲܝܒ̣ܵܬܹ̈ܐ ܚܘܼ ܠܹܐ ܝܢܵܐ ܒܸܓ̰ܡܵܥܵܐ؟ ܝܲܢ ܪܩܝܼܥܵܐ ܡܝܼܠܵܐ ܘܨܸܦܝܵܐ ܝܠܹܗ ܠܥܸܠܸܠ ܡ̣ܢ ܪܹܫܲܢ؟ ܓܵܪܵܓ ܡܲܦܠܸܚܲܚ ܚܲܡ ܘܚܘܼܒܵܐ ܩܵܐ ܥܹܕܬܵܐ ܕܐܲܠܵܗܵܐ: ܘܐܵܕܝܼܵܐ ܕܝܘܼܠܦܵܢܹ̈ܐ ܡܲܚܠܸܛܵܢܹ̈ܐ ܒܸܩܝܵܡܵܐ ܝܢܵܐ: ܫܒ̣ܘܿܩ ܕܦܵܟܪܲܚ ܠܢܝܼܫܲܢܩܹ̈ܐ ܕܐܵܗܵܐ ܙܲܒ̣ܢܵܐ ܘܙܵܪܙܲܚ ܓܵܢܲܢ ܩܵܐ ܦܠܵܫܵܐ.

ܢܵܛܪܵܢܵܐ: ܡܘܼܕܝܼ ܡ̣ܢ ܠܲܝܠܹܐ؟ ܡܘܼܕܝܼ ܟܵܘܟ̣ܒ̣ܹ̈ܐ ܦܝܵܫܵܐ ܝܢܵܐ ܚܸܙܝܹܐ؟ ܡܘܼܕܝܼ ܩܵܘܠܹ̈ܐ ܡܵܪܹܐ ܛܝܼܡܵܐ ܠܚܝܼܡܹܐ ܝܢܵܐ ܩܵܐ ܐܲܗܘܵܠܲܢ ܕܐܵܕܝܼܵܐ؟ ܐܲܢ݉ܬ ܟܹܐ ܝܲܗܒ̣ܸܬ ܡܲܚܒܲܪܬܵܐ ܕܗܵܘܵܪ: ܒܲܣ ܐܘܼܦ ܗܲܒ̣ܠ ܠܲܢ ܝܲܗܒ̣ܲܠܬܵܐ ܕܠܸܒܵܐ. ܡܫܝܼܚܵܐ: ܟܵܘܟ̣ܒ̣ܵܐ ܕܓܲܪܒܝܵܐ: ܗܲܡܵܫܵܐ ܒܕܘܼܟܬܘܼܗܝ ܝܠܹܗ: ܘܟܠܵܝ ܟܵܘܟ̣ܒ̣ܹ̈ܐ ܐ݉ܚܹܖ̈݉ܢܹܐ ܡܘܼܩܘܝܼܹܐ ܝܢܵܐ ܒܝܲܡܝܼܢܵܐ ܕܡܵܪܵܝ.

ܡܸܢ݉ܕܪܸܫ݉: ܢܵܛܪܵܢܵܐ: ܡܵܘܪܹܫܵܐ ܐܝܼܡܵܐ ܒܸܬ ܐܵܬܝܵܐ؟ ܚܸܬܢܵܐ ܥܲܪܩܘܼܠܹܐ ܝܠܹܗ. ܠܲܝܬ ܢܝܼܫܲܢܩܹ̈ܐ ܕܐ݉ܬܵܝܬܘܼܗܝ ܐܲܝܟ̣ ܫܸܡܫܵܐ ܕܙܲܕܝܼܩܘܼܬܵܐ؟ ܟܵܘܟ̣ܒ̣ܵܐ ܕܡܵܘܪܹܫܵܐ ܠܹܐ ܝܠܹܗ ܙܪܝܼܩܵܐ ܐܲܝܟ̣ ܓܸܪܵܘ ܕܐܝܼܡܵܡܵܐ؟ ܐܝܼܡܵܐ ܒܸܬ ܙܲܪܸܩ ܝܵܘܡܵܐ ܘܛܸܠܵܢܝܼܵܬܹ̈ܐ ܥܵܪܩܝܼ؟

ܗܵܐ ܐܲܪܥܵܐ ܚܕܝܼܬܵܐ: ܫܵܕ ܘܫܲܦ̮ܩܵܢܬܵܐ.

ܡܵܘܪܹܫܵܐ ܫܘܼܪܝܼܬܵܐ: ܐܝܼܢܵܐ ܠܸܒܝܼ ܩܲܝܪܵܐ: ܡܸܠܝܵܐ ܡ̣ܢ ܚܘܼܒ̣ܝܵܐ ܘܦܵܫܲܡܬܵܐ.

ܫܸܡܫܵܐ ܕܓܵܢܵܐ: ܚܵܙܹܝܢ ܙܪܵܩܬܘܼܟ̣ ܚܠܝܼܬܵܐ.

ܬܵܐ ܝܑܼܫܘܿܥ ܡܵܪܝܵܐ: ܬܵܐ ܓ̰ܲܠܕܹܐ ܠܩܵܘܠܘܼܟ̣ ܓܘܼܪܵܐ.