ܢܝܣܢ 16
ܕܡܐ ܡܪܐ ܛܝܡܐ ܐܝܟ̣ ܕܦܐܪܐ (ܐ ܦܛܪܘܣ ܐ: 19)
ܟܲܕ ܟܵܠܲܚ ܩܲܕ݉ܡ ܙܩܝܼܦܵܐ ܘܓܲܫܩܲܚ ܠܥܸܠܸܠ: ܟܹܐ ܚܵܙܲܚ ܐܝܼܕܵܬܹ̈ܐ ܘܐܲܩܠܵܬܹ̈ܐ: ܘܕܸܦܢܵܐ: ܟܠܵܝ ܡܲܓ̰ܪܘܼܝܹܐ ܫܵܩܝܼܵܬܹ̈ܐ ܣܡܘܼܩܹ̈ܐ ܕܕܸܡܵܐ ܡܵܪܹܐ ܛܝܼܡܵܐ ܒܘܼܬ ܚܝܠܘܗܝ ܩܐ ܦܘܚܠܐ ܘܚܘܣܝܐ. ܐܵܗܵܐ ܕܸܡܵܐ ܗ݉ܘܹܐ ܠܹܗ ܚܘܼܣܵܝܵܐ ܩܵܐ ܚܛܝܼܵܬܹ̈ܐ ܕܛܵܝܸܦܵܐ ܕܡܫܝܼܚܵܐ. ܦܝܼܫ ܠܗ݉ܘܿܢ ܙܒ̣ܝܼܢܹܐ ܡ̣ܢ ܗܘܼܟܡܵܐ ܕܫܲܪܥܲܬ: ܣܘܼܙܓܸܪܹܐ ܥܲܡ ܐܲܠܵܗܵܐ: ܘܥܒ̣ܝܼܕܹܐ ܚܲܕ݉ ܥܲܡܘܼܗܝ. ܡܸܢ݉ܕܪܸܫ݉: ܕܸܡܵܐ ܕܡܫܝܼܚܵܐ ܡܵܪܹܐ ܛܝܼܡܵܐ ܝܠܹܗ ܒܘܼܬ ܚܝܠܘܗܝ ܕܟ̣ܝܐ. ܟܹܐ ܕܵܟ̣ܹܐ ܡ̣ܢ ܟܠܵܗ̇ ܚܛܝܼܬܵܐ. ܐܢ ܗܘܝܼ ܚܛܝ̈ܬܘܟ̣ܘܢ ܐܝܟ̣ ܩܪܡܝܙ: ܐܝܟ̣ ܬܠܓܐ ܒܬ ܚܘܪܝܼ. ܕܸܡܵܐ ܕܡܫܝܼܚܵܐ ܠܹܐ ܫܵܒ̣ܸܩ ܐܘܼܦ ܚܲܕ݉ ܠܲܟܵܐ ܥܲܠ ܗܸܟ̃ ܚܲܕ݉ ܡ̣ܢ ܗܲܡܸܢܵܢܹ̈ܐ. ܟܡܵܐ ܡܵܪܹܐ ܛܝܼܡܵܐ ܝܠܹܗ ܗ̇ܘ ܕܸܡܵܐ ܕܟܹܐ ܕܵܟ̣ܹܐ ܠܲܢ ܡ̣ܢ ܟܠܵܝ ܠܲܟܹ̈ܐ ܕܚܛܝܼܬܵܐ ܘܥܵܒ̣ܸܕ ܠܲܢ ܡܲܩܒܘܼܠ ܒܡܫܝܼܚܵܐ: ܐܵܦܸܢ ܒܪܵܒܵܐ ܐܘܼܖ̈ܚܵܬܹܐ: ܥܒ̣ܝܼܕܹܐ ܝܘܲܚ ܝܲܓ̣ܝܼܘܼܬܵܐ ܥܲܠ ܐܲܠܵܗܲܢ. ܡܸܢ݉ܕܪܸܫ݉: ܕܸܡܵܐ ܕܡܫܝܼܚܵܐ ܡܵܪܹܐ ܛܝܼܡܵܐ ܝܠܹܗ ܒܘܼܬ ܚܝܠܘܗܝ ܕܢܛܘܪܘܬܐ. ܟܹܐ ܦܵܝܫܲܚ ܢܛܝܼܪܹܐ ܡ̣ܢ ܚܲܝܠܵܐ ܕܡܲܠܲܐܟ̣ܵܐ ܡܲܡܝܸܬܵܢܵܐ ܟܲܕ ܐܝܼܬ ܥܲܠܲܢ ܕܸܡܵܐ ܡܘܼܪܝܸܣܵܐ. ܕܟ̣ܘܿܪ ܕܦܝܵܫܵܐ ܝܘܲܚ ܦܘܼܪܩܹܐ ܣܵܒܵܒ ܕܐܲܠܵܗܵܐ ܒܸܚܙܵܝܵܐ ܝܠܹܗ ܕܸܡܵܐ ܥܲܠ ܬܲܖ̈ܥܵܢܲܢ. ܡܸܢ݉ܕܪܸܫ݉: ܕܸܡܵܐ ܕܡܫܝܼܚܵܐ ܡܵܪܹܐ ܛܝܼܡܵܐ ܝܠܹܗ ܒܘܼܬ ܚܝܠܘܗܝ ܩܕܫܢܐ. ܗܲܪ ܗ̇ܘ ܕܸܡܵܐ ܕܟܹܐ ܡܲܟܫܸܛ: ܒܦܘܼܠܚܵܢܘܼ̈ܗܝ ܕܒܵܬ݉ܪ ܗܵܕܵܐ ܟܹܐ ܡܲܚܹܐ ܠܐܲܨܠܵܐ ܚܵܕ݉ܬܵܐ ܘܟܹܐ ܠܲܒܸܠ ܠܹܗ ܠܵܩܲܕ݉ܡܘܼܗܝ ܠܙܲܒܛܘܼܢܹܐ ܚܛܝܼܬܵܐ ܘܠܬܲܡܘܼܡܹܐ ܦܘܼܩܕܵܢܹ̈ܐ ܕܐܲܠܵܗܵܐ: ܠܲܝܬ ܚܲܕ݉ ܡܸܢܕܝܼ ܒܘܼܫ ܡܵܪܹܐ ܟܵܪ ܡ̣ܢ ܕܸܡܵܐ ܓ̰ܵܪܝܵܢܵܐ ܡ̣ܢ ܘܵܖ̈ܝܼܕܹܐ ܕܡܫܝܼܚܵܐ. ܡܸܢ݉ܕܪܸܫ݉: ܐܵܗܵܐ ܕܸܡܵܐ ܪܵܒܵܐ ܡܵܪܹܐ ܛܝܼܡܵܐ ܝܠܹܗ ܒܚܲܝܠܘܗܝ ܓ̣ܠܒܢܐ. ܟܬܝܼܒ̣ܬܵܐ ܝܠܵܗ̇: ܓ̣ܠܸܒ ܠܗ݉ܘܿܢ ܒܕܸܡܵܐ ܕܦܹܐܪܵܐ. ܗ̇ܘ ܕܦܵܠܸܫ ܒܐܲܣܒܵܒ ܕܕܸܡܵܐ ܡܵܪܹܐ ܛܝܼܡܵܐ ܕܡܫܝܼܚܵܐ: ܒܚܲܕ݉ ܐܲܣܒܵܒ ܒܸܦܠܵܫܵܐ ܝܠܹܗ ܕܠܹܐ ܝܵܕܸܥ ܫܡܵܛܵܐ. ܕܸܡܵܐ ܕܡܫܝܼܚܵܐ! ܚܛܝܼܬܵܐ ܟܹܐ ܡܵܝܬܵܐ ܩܲܕ݉ܡ ܗܸܙܘܼܪܘܼܗܝ: ܡܵܘܬܵܐ ܐ݉ܚܹܪ݉ܢܵܐ ܠܹܐ ܝܠܹܗ ܡܵܘܬܵܐ: ܕܲܖ̈ܘܵܙܹܐ ܕܫܡܲܝܵܐ ܦܝܵܫܵܐ ܝܢܵܐ ܦܬܝܼܚܹܐ. ܒܸܬ ܐܵܙܲܠ݉ܚ ܠܵܩܲܕ݉ܡܵܐ ܠܵܓ̣ܵܠܸܒܘܼܬܵܐ ܟܲܕ ܒܝܼܕܵܥܵܐ ܕܟܹܐ ܡܵܨܲܚ ܠܸܣܢܵܕܵܐ ܥܲܠ ܚܲܝܠܵܐ ܕܕܸܡܵܐ ܕܡܫܝܼܚܵܐ