ܢܝܣܢ 19
ܘܗܐ ܣܬܪܐ ܕܬܪܥܐ ܕܗܝܟܠܐ ܦܝܫ ܠܗ ܟ̰ܘܢܟ̰ܪܐ ܠܬܪܝ: ܡܢ ܥܠܠ ܗܠ ܠܐܠܬܚ (ܡܬܝ ܟܙ: 51)
ܟ̰ܲܢܟ̰ܲܪܬܵܐ ܕܚܲܕ݉ ܣܸܬܵܪܵܐ ܐܘܼܚܟ̰ܵܐ ܩܘܼܝܵܐ ܘܚܠܥܝܼܡܵܐ ܠܹܐ ܝܗ݉ܘܵܐ ܚܲܕ݉ ܢܝܼܫܲܢܩܵܐ ܙܥܘܿܪܵܐ: ܢܝܼܲܬ ܐܵܗܵܐ ܢܝܼܫܲܢܩܵܐ ܠܹܐ ܝܗ݉ܘܵܐ ܐܲܚܟ̰ܝܼ ܩܵܐ ܡܲܚܙܵܝܬܵܐ ܕܚܲܝܠܵܐ ــ ܪܵܒܵܐ ܕܲܖ̈ܣܹܐ ܟܹܐ ܝܵܠܦܲܚ ܡܸܢܘܼܗܝ. ܫܪܥܬ ܥܬܝܩܬܐ ܐ݉ܪܙܢܝܬܐ ܦܝܫ ܠܗ̇ ܫܘܠܚܬܐ: ܐܲܝܟ̣ ܚܲܕ݉ ܓ̰ܘܼܠܵܐ ܥܲܬܝܼܩܵܐ: ܘܟ̰ܘܼܢܟ̰ܸܪܬܵܐ ܘܪܘܼܦܝܼܬܵܐ. ܐܝܼܡܵܐ ܕܡܫܝܼܚܵܐ ܡܝܼܬ ܠܹܗ: ܟܠܵܝ ܕܸܒ̣ܚܹ̈ܐ ܒܛܝܼܠ ܠܗ݉ܘܿܢ: ܣܵܒܵܒ ܒܝܼܘܼܗܝ ܦܝܼܫ ܠܗ݉ܘܿܢ ܚܬܝܼܡܹ̈ܐ: ܒܘܼܬ ܐܵܗܵܐ: ܕܘܼܟܬܵܐ ܕܡܲܩܖ̈ܵܒ̣ܬܵܝ ܙܹܐ ܡܘܼܚܙܹܐ ܠܵܗ̇ ܢܝܼܫܲܢܩܹ̈ܐ ܝܵܩܝܼܢ ܕܚܪܵܒ̣ܵܐ ܕܥܲܬܝܼܩܘܼܬܵܐ. ܐܵܗܵܐ ܟ̰ܲܢܟ̰ܲܪܬܵܐ ܙܹܐ ܓܠܐ ܠܵܗ̇ ܠܟܠܝ ܣܖ̈ܐ ܛܫܝ̈ܐ ܕܕܝܬܝܩܐ ܥܬܝܩܬܐ. ܐܵܕܝܼܵܐ ܩܹܒ̣ܘܼܬܵܐ ܘܚܘܼܣܵܝܵܐ ܦܝܼܫ ܠܗ݉ܘܿܢ ܚܸܙܝܹܐ ܐܲܫܟܵܪܵܐ: ܘܚܸܩܪܵܐ ܕܐܲܠܵܗܵܐ ܠܘܼܓ̰ܠܸܓ̰ ܠܹܗ ܠܥܸܠܸܠ ܡܸܢܵܝ. ܒܡܵܘܬܵܐ ܕܡܫܝܼܚܵܐ ܒܸܚܙܵܝܵܐ ܝܘܲܚ ܚܲܕ݉ ܓܸܠܝܵܢܵܐ ܨܸܦܝܵܐ ܕܐܲܠܵܗܵܐ: ܣܵܒܵܒ ܗ̇ܘ ܠܹܐ ܝܗ݉ܘܵܐ ܐܲܝܟ̣ ܡܘܼܫܹܐ: ܕܟܹܐ ܕܵܪܹܐ ܗ݉ܘܵܐ ܪܘܼܒܲܢܕ ܥܲܠ ܦܵܬܘܼܗܝ. ܚܲܝܹ̈ܐ ܘܠܵܐ ܡܵܝܘܿܬܘܼܬܵܐ ܐܵܕܝܼܵܐ ܦܝܵܫܵܐ ܝܢܵܐ ܦܘܼܠܛܹܐ ܠܒܲܗܪܵܐ: ܘܡܸܢܕܝܼܵܢܹ̈ܐ ܕܟܸܣܝܹ̈ܐ ܝܗ݉ܘܵܐ ܗܵܐ ܡ̣ܢ ܒܸܢܝܲܬ ܕܥܵܠܡܵܐ: ܐܵܕܝܼܵܐ ܐܲܫܟܵܪܵܐ ܝܢܵܐ ܒܝܼܘܼܗܝ. ܐܪܙܐ ܕܚܘܣܝܐ ܕܦܝܼܫܵܐ ܝܗ݉ܘܵܐ ܥܒ̣ܝܼܕܵܐ ܫܹܢ݉ܬܵܐ ܒܫܹܢ݉ܬܵܐ ܙܹܐ ܦܝܼܫ ܠܹܗ ܒܘܼܛܠܵܐ. ܗ̇ܘ ܕܡܐ ܕܦܘܚܠܐ ܕܟܹܐ ܦܵܐܸܫ ܗ݉ܘܵܐ ܡܘܼܪܝܸܣܵܐ ܚܕܵܐ ܓܵܗܵܐ ܒܫܹܢ݉ܬܵܐ ܠܓܵܘܵܝܝܼ ܡ̣ܢ ܣܹܬܵܪܵܐ: ܐܵܕܝܼܵܐ ܦܝܵܫܵܐ ܝܠܹܗ ܡܘܼܩܪܸܒ̣ܵܐ ܚܕܵܐ ܓܵܗܵܐ ܡܒܵܕܵܠ ܕܟܠܵܝ ܡ̣ܢ ܓܘܼܪܵܐ ܕܟܵܗܢܹ̈ܐ ܥܸܠܵܝܵܐ: ܘܒܘܼܬ ܐܵܗܵܐ: ܕܘܼܟܬܵܐ ܕܡܲܩܪܲܒ̣ܬܵܐ ܕܗ̇ܘ ܐܪܵܙܵܐ ܛܘܼܦ̮ܣܵܢܵܝܵܐ ܦܝܼܫ ܠܵܗ̇ ܦܘܼܪܦܸܣܬܵܐ: ܕܸܡܵܐ ܕܡܘܼܓ̰ܹ̈ܐ ܘܕܦܹܐܖܹ̈ܐ ܐ݉ܚܹܪ݉ܢܵܐ ܠܹܐ ܝܠܹܗ ܠܵܙܸܡ: ܣܵܒܵܒ ܝܼܫܘܿܥ ܡܫܝܼܚܵܐ ܥܒ̣ܝܼܪܵܐ ܝܠܹܗ ܠܓܵܘܵܝ ܡ̣ܢ ܣܹܬܵܪܵܐ ܒܕܸܡܵܐ ܕܓܵܢܘܼܗܝ. ܒܘܼܬ ܐܵܗܵܐ: ܐܸܙܸܢ ܘܦܸܪܨܲܬ ܐܵܕܝܼܵܐ ܦܝܵܫܵܐ ܝܢܵܐ ܝܘܼܗܒ̣ܹܐ ܩܵܐ ܟܠܵܝ ܗܲܡܸܢܵܢܹ̈ܐ ܒܡܫܝܼܚܵܐ ܕܩܲܪܒܸܢܝܼ ܠܐܲܠܵܗܵܐ. ܐܵܕܝܼܵܐ ܟܹܐ ܡܵܨܲܚ ܠܩܲܪܒܘܼܢܹܐ ܒܓܘܼܣܬܵܚܘܼܬܵܐ ܠܬܪܘܿܢܘܿܣ ܕܫܵܦܵܩܲܬ ܫܡܲܝܵܢܵܝܬܵܐ. ܘܟܹܐ ܡܵܨܲܚ ܕܩܲܫ̃ܕܸܪܲܚ ܠܹܐܡܵܪܵܐ: ܕܦܬܵܚܬܵܐ ܕܩܕܘܿܫ ܩܘܼܕܫܹ̈ܐ ܒܐܵܗܵܐ ܬܵܗܵܪ: ܒܡܲܩܘܲܚܬܵܐ ܐ݉ܚܵܪܵܝܬܵܐ ܕܡܫܝܼܚܵܐ: ܛܘܼܦ̮ܣܵܐ ܝܗ݉ܘܵܐ ܕܦܬܵܚܬܵܐ ܕܕܲܖ̈ܘܵܙܹܐ ܕܦܲܪܕܲܝܣܵܐ ܩܵܐ ܟܠܵܝ ܩܲܕܝܼܫܹ̈ܐ ܡܘܼܚܫܸܚܹ̈ܐ ܩܵܬܘܼܗ̇ ܒܚܲܫܵܐ ܕܡܫܝܼܚܵܐ. ܩܕܝܼܠܹ̈ܐ ܕܫܡܲܝܵܐ ܒܐܝܼܕܵܐ ܕܦܵܪܘܿܩܲܢ ܝܼܢܵܐ: ܟܹܐ ܦܵܬܸܚ: ܘܐ݉ܢܵܫܵܐ ܠܹܐ ܕܵܒ̣ܸܪ. ܫܒ̣ܘܿܩ ܕܥܵܒ̣ܪܲܚ ܥܲܡܘܼܗܝ ܓܵܘ ܡܲܠܟܘܼܬܵܐ ܫܡܲܝܵܢܵܝܬܵܐ ܘܬܵܡܵܐ ܝܵܬܒ̣ܲܚ ܥܲܡܘܼܗܝ ܗܲܠ ܕܸܫ̃ܡܸܢܹ̈ܐ ܕܗ̇ܘ ܘܕܝܼܲܢ ܦܵܝܫܝܼ ܥܒ̣ܝܼܕܹܐ ܟܘܼܒ̣ܫܵܐ ܬܚܘܿܬ ܐܲܩܠܵܬܘܼ̈ܗܝ.