ܢܝܣܢ 29

ܒܝܬ ܓܘܣܐ ܝܘܬ ܐܢ݉ܬ ܒܝܘܡܐ ܕܒܝܫܬܐ (ܐܪܡܝܐ ܝܙ: 17)

ܐܘܼܪܚܵܐ ܕܟܪܸܣܛܝܵܢܵܐ ܗܲܡܵܫܵܐ ܠܹܐ ܗܵܘܝܵܐ ܒܘܼܗܪܸܢܬܵܐ ܒܫܸܡܫܵܐ. ܟܹܐ ܗܵܘܝܼ ܠܹܗ ܥܕܵܢܵܬܹ̈ܐ ܕܚܘܼܒ̣ܝܵܐ ܘܕܒܘܼܪܵܢ ܙܹܐ. ܡܸܓ̰ܸܕ: ܟܬܝܼܒ̣ܵܐ ܝܠܹܗ ܓܵܘ ܗܸܡܸܙܡܵܢ ܕܐܲܠܵܗܵܐ: ܐܘܖ̈ܚܬܘܗ̇ ܐܘܖ̈ܚܬܐ ܕܒܣܝܡܘܬܐ ܝܢܐ: ܘܟܠܝ ܓ̰ܕܘܬܘ̈ܗ̇ ܫܠܡܐ. ܚܕܵܐ ܣܲܪܲܣܬܘܼܬܵܐ ܡܲܫܗܘܼܪ ܝܼܠܵܗ̇: ܕܬܵܘܕܝܼܬܵܐ ܫܲܪܝܼܪܬܵܐ ܟܹܐ ܝܲܗܒ̣ܵܐ ܩܵܐ ܒܲܪܢܵܫܵܐ ܠܵܐ ܐܲܚܟ̰ܝܼ ܒܘܼܖ̈ܟܵܬܹܐ ܠܥܸܠܸܠ: ܐܝܼܢܵܐ ܐܘܼܦ ܚܵܕܘܼܬܵܐ ܠܐܸܠܬܸܚ. ܐܝܼܢܵܐ ܡܸܢ݉ܕܪܸܫ݉ ܟܹܐ ܝܵܠܦܲܚ ܕܐܵܦܸܢ ܗܵܘܝܵܐ ܐܘܪܚܐ ܕܙܕܝܩ̈ܐ ܐܝܟ̣ ܒܗܪܐ ܠܓ̰ܠܓ̰ܢܐ: ܕܐܙܠ ܘܒܗܪܢ ܗܠ ܩܘܝܬܐ ܕܝܘܡܐ: ܘܡܸܢ݉ܕܪܸܫ݉ ܚܲܕ݉ܟܡܵܐ ܓܵܗܹ̈ܐ ܩܠܲܦܣܝܼܣ ܟܹܐ ܢܵܦܠܵܐ ܥܲܠ ܗ̇ܘ ܒܲܗܪܵܐ. ܒܚܲܕ݉ܟܡܵܐ ܙܲܒ̣ܢܹ̈ܐ: ܥܲܝܒ̣ܵܬܹ̈ܐ ܟܹܐ ܕܵܒ̣ܩܝܼ ܠܹܗ ܫܸܡܫܵܐ ܕܗܲܡܸܢܵܢܵܐ: ܟܹܐ ܚܵܕܸܪ ܒܚܘܼܒ̣ܝܵܐ: ܘܒܲܗܪܵܐ ܠܹܐ ܚܵܙܹܐ. ܪܵܒܵܐ ܐܝܼܬ ܕܚܕܹܐ ܠܗ݉ܘܿܢ ܒܗܸܙܘܼܪ ܕܡܵܪܝܵܐ ܩܵܐ ܚܲܕ݉ ܙܲܒ̣ܢܵܐ: ܦܨܝܼܚ ܠܗ݉ܘܿܢ ܒܫܸܡܫܵܐ ܒܙܲܒ̣ܢܹ̈ܐ ܩܲܕ݉ܡܵܝܹ̈ܐ ܕܪܲܗܛܵܝ ܟܪܸܣܛܝܵܢܵܐ: ܚܕܸܪܗ݉ܘܿܢ ܥܲܠ ܟ̰ܝܼܡܵܢܹ̈ܐ ܡܝܼܠܹ̈ܐ ܠܟܸܣ ܫܵܩܝܼܵܬܹ̈ܐ ܕܡ̈ܝܼܵܐ ܢܝܼܚܹ̈ܐ: ܐܝܼܢܵܐ ܢܵܓܸܣܬܵܢ ܥܲܝܒ̣ܵܐ ܟܹܐ ܕܵܒ̣ܩܵܐ ܠܹܗ ܪܩܝܼܥܵܝ: ܡ̣ܢ ܓܹܒܵܐ ܕܐܲܪܥܵܐ ܕܓܹܫܵܢ: ܟܹܐ ܚܵܕܪܝܼ ܓܵܘ ܒܲܪܝܼܵܐ ܣܹܠܵܢܵܐ: ܡ̣ܢ ܓܹܒܵܐ ܕܡ̈ܝܼܵܐ ܢܝܼܚܹ̈ܐ ܟܹܐ ܡܲܫ݉ܟ̰ܚܝܼ ܣܵܝܠܵܒܹ̈ܐ ܚܒ̣ܝܼܛܹ̈ܐ ܘܡ̈ܝܼܵܐ ܡܲܝܖܹ̈ܐ ܠܫܵܡܵܓܵܝ̈: ܗ̇ܝܓܵܗ ܟܹܐ ܐܵܡܪܝܼ: ܡܸܓ̰ܸܕ ܐܸܢ ܐܵܢܵܐ ܒܪܘܿܢܵܐ ܕܐܲܠܵܗܵܐ ܗܵܘܹܝܢ ܗ݉ܘܵܐ ܗܲܕܟ̣ܵܐ ܠܹܐ ܩܲܘܸܡܵܐ ܗ݉ܘܵܐ ܥܲܠܝܼ. ܝܵܐ ܗ̇ܘ ܕܒܸܚܕܵܪܵܐ ܝܠܹܗ ܒܚܘܼܒ̣ܝܵܐ: ܠܵܐ ܐܵܡܪܸܬ ܗܲܕܟ̣ܵܐ. ܩܲܕܝܼܫܹ̈ܐ ܖܹ̈ܫܵܝܹܐ ܕܡܵܪܝܵܐ ܓܵܪܵܓ ܕܫܵܬܝܼ ܡܪܵܖܹ̈ܐ: ܒܢܘܿܢܘܼ̈ܗܝ ܕܡ̣ܢ ܟܠܵܝ ܒܘܼܫ ܣܵܘܓܘܿܠ ܓܵܪܵܓ ܕܛܵܥܢܝܼ ܙܩܝܼܦܵܐ. ܗܸܟ̃ ܟܪܸܣܛܝܵܢܵܐ ܠܹܐ ܝܠܹܗ ܩܘܼܒܠܵܐ ܪܘܵܚܵܢܝܼ ܒܕܵܝܸܡܘܼܬܵܐ. ܒܲܠܟܵܐ ܡܵܪܝܵܐ ܩܲܕ݉ܡܵܝܬܵܐ ܡܘܼܚܙܹܐ ܠܹܗ ܩܵܬܘܼܟ̣ ܚܕܵܐ ܐܘܼܪܚܵܐ ܒܲܣܝܼܡܬܵܐ ܣܵܒܵܒ ܕܙܲܒܘܼܢ ܝܼܘܸܬ ܗ݉ܘܵܐ ܘܙܵܕܘܿܥܵܐ: ܦܵܘܚܵܐ ܡܘܼܪܟܸܟ̣ܵܐ ܝܗ݉ܘܵܐ ܩܵܐ ܦܹܐܪܵܐ ܓܪܝܼܥܵܐ. ܐܝܼܢܵܐ ܐܵܕܝܼܵܐ ܕܒܘܼܫ ܚܲܝܠܵܢܵܐ ܝܘܸܬ ܒܚܲܝܘܼ̈ܟ̣ ܖ̈ܘܼܚܵܢܵܝܹܐ: ܓܵܪܵܓ ܥܵܒ̣ܪܸܬ ܓܵܘ ܫܘܼܠܹ̈ܐ ܒܘܼܫ ܟ̰ܵܬܘܿܢ ܕܒܢܘܿܢܹ̈ܐ ܟܵܡܝܼܠ ܕܐܲܠܵܗܵܐ. ܣܢܝܼܩܹܐ ܝܘܲܚ ܠܦܵܘܚܹ̈ܐ ܘܠܒܘܼܖ̈ܵܢܹܐ ܩܵܐ ܡܲܩܘܵܝܬܲܢ ܒܘܼܫ ܩܘܼܝܵܐ ܒܡܫܝܼܚܵܐ.