ܢܝܣܢ 8

ܐܢ ܒܩܝܣܐ ܬܝܠܐ ܐܢ̈ܐ ܒܥܒ̣ܕܐ ܝܢܐ: ܒܒܪܘܙܐ ܡܘܕܝ ܒܬ ܗܘܐ؟ (ܠܘܩܐ ܟܓ: 31)

ܐܝܼܬ ܪܵܒܵܐ ܦܘܼܫܵܩܹ̈ܐ ܥܲܠ ܐܵܗܵܐ ܓ̰ܲܪܓܵܐ: ܐܝܼܢܵܐ ܐܵܗܵܐ ܕܒܹܐܬܵܝܵܐ ܝܠܹܗ ܚܲܕ݉ ܡ̣ܢ ܐܵܢܝܼ ܕܒܘܼܫ ܡܵܪܹܐ ܝܘܼܠܦܵܢܵܐ ܝܠܹܗ. ܐܸܢ ܐܸܠܝܼ: ܕܸܒ̣ܚܵܐ ܙܲܟܵܝܵܐ ܕܩܵܐ ܚܲܛܵܝܹ̈ܐ ܗܲܕܟ̣ܵܐ ܒܹܥܒ̣ܵܕܵܐ ܝܢܵܐ: ܡܘܼܕܝܼ ܒܸܬ ܗܵܘܹܐ ܐܝܼܡܵܐ ܕܚܲܛܵܝܵܐ ܒܓܵܢܘܼܗܝ ـ ܩܲܝܣܵܐ ܒܵܪܘܿܙܵܐ ـ ܢܵܦܸܠ ܬܚܘܿܬ ܟܲܪܒܵܐ ܕܐܲܠܵܗܵܐ؟ ܐܝܼܡܵܐ ܕܐܲܠܵܗܵܐ ܚܙܹܐ ܠܹܗ ܠܝܑܼܫܘܿܥ ܡܫܝܼܚܵܐ ܒܫܵܘܦܵܐ ܕܚܲܛܵܝܵܐ: ܠܵܐ ܩܲܡ ܚܵܣܸܟ̣ ܠܹܗ: ܒܲܣ ܐܝܼܡܵܐ ܕܚܵܙܹܐ ܠܠܵܐ ܚܘܼܕܸܬܹ̈ܐ ܒܹܐ ܡܫܝܼܚܵܐ: ܕܵܐܟ̣ܝܼ ܒܸܬ ܪܵܚܸܡ ܥܲܠܵܝ؟ ܝܵܐ ܚܲܛܵܝܵܐ: ܡܫܝܼܚܵܐ ܦܝܼܫ ܠܹܗ ܠܘܼܒܠܵܐ ܡ̣ܢ ܕܸܫ̃ܡܸܢܘܼ̈ܗܝ: ܘܗܵܕܵܐ ܐܘܼܦ ܐܲܢ݉ܬ ܒܸܬ ܦܵܝܫܸܬ ܓܘܼܪܓܸܫܵܐ ܡ̣ܢ ܫܹܐܕܹ̈ܐ ܠܗ̇ܝ ܕܘܼܟܬܵܐ ܕܗܘܼܕܸܪܬܵܐ ܝܠܵܗ̇ ܩܵܬܘܼܟ̣. ܡܫܝܼܚܵܐ ܦܝܼܫ ܠܹܗ ܫܒ̣ܝܼܩܵܐ ܡ̣ܢ ܐܲܠܵܗܵܐ: ܐܝܼܢܵܐ ܐܸܢ ܗ̇ܘ ܕܝܼܗ݉ܘܵܐ ܐܲܚܟ̰ܝܼ ܚܘܼܫܒܸܢܵܐ ܐܲܝܟ̣ ܚܲܕ݉ ܚܲܛܵܝܵܐ ܦܝܫܫ ܠܹܗ ܫܒ̣ܝܼܩܵܐ ܡ̣ܢ ܐܲܠܵܗܵܐ ܒܵܒܘܼܗܝ: ܟܡܵܐ ܙܵܘܕܵܐ ܐܲܢ݉ܬ ܒܸܬ ܦܵܝܫܸܬ ܫܒ̣ܝܼܩܵܐ ܒܢܲܦ̮ܫܘܼܟ̣! ܐܝܠ: ܐܝܠ: ܠܡܢܐ ܫܒ̣ܩܬܢܝ؟ ܐܵܗܵܐ ܡܲܩܘܲܚܬܵܐ ܨܵܘܵܢܬܵܐ ܝܠܵܗ̇! ܐܝܼܢܵܐ ܕܵܐܟ̣ܝܼ ܒܸܬ ܗܵܘܝܵܐ ܡܲܩܘܲܚܬܵܐ ܕܝܼܘܼܟ̣ ܐܝܼܡܵܐ ܕܐܵܡܪܸܬ: ܐܲܠܵܗܝܼ: ܐܲܠܵܗܝܼ: ܩܵܡܘܿܕܝܼ ܫܒ̣ܝܼܩܸܢܘܼܟ̣؟ ܘܟܲܕ ܓ̰ܘܼܘܵܒ ܦܵܐܸܫ ܡܘܼܕܸܪܵܐ ܐܸܠܘܼܟ̣: ܣܒܒ ܡܘܣܠܐ ܠܘܟ̣ܘܢ ܟܠܗ̇ ܪܐܝܝܼ ܕܝܝܼ: ܘܒܡܢܟ̣ܣܬܝ ܠܐ ܒܣܝܡܠܐ ܠܘܟ̣ܘܢ: ܐܘܦ ܐܢܐ ܒܫܡܛܘܟ̣ܘܢ ܒܬ ܓܚܟܢ: ܒܬ ܡܣܚܪܢ …. ܕܨܘܡܘܟ̣ܘܢ. ܐܸܢ ܐܲܠܵܗܵܐ ܠܒܪܘܿܢܵܐ ܕܓܵܢܹܗ ܠܵܐ ܚܣܝܼܟ̣ ܠܹܗ: ܐܸܠܵܘܟ̣ܘܿܢ ܕܵܐܟ̣ܝܼ ܒܸܬ ܚܵܣܸܟ̣؟ ܕܵܐܟ̣ܝܼ ܝܩܝܼܘܼܕܵܐ ܨܵܘܵܢܵܐ ܒܸܬ ܝܵܩܕܝܼܬܘܿܢ ܐܝܼܡܵܐ ܕܐܸܢܝܲܬ ܒܟܠܹܗ ܚܲܝܠܘܼܗ̇ ܓ̰ܲܢܓ̰ܸܪܵܐ ܠܵܘܟ̣ܘܿܢ! ܝܵܐ ܚܲܛܵܝܹ̈ܐ ܕܵܘܠܲܬܡܲܢܕܹ̈ܐ ܘܚܸܕܝܹ̈ܐ ܓܵܐ ܕܐܵܗܵܐ ܕܘܼܢܝܹܐ: ܡܵܢܝܼ ܒܸܬ ܫܲܗܘܸܬ ܠܐܲܗܘܵܠܵܘܟ̣ܘܿܢ ܐܝܼܡܵܐ ܕܐܲܠܵܗܵܐ ܐܵܡܸܪ: ܪܥܘܫ: ܣܝܦܐ: ܠܕܪܩܘܒ̣ܠ ܕܐܢܝ ܕܡܘܣܠܐ ܠܗ݉ܘܢ ܐܠܝ: ܡܚܝ ܠܗ݉ܘܢ ܘܡܡܪܥ ܠܗ݉ܘܢ ܗܠ ܐܒܕ؟ ܡܫܝܼܚܵܐ ܩܘܼܒܸܠ ܠܹܗ ܪܘܸܩܬܵܐ ܕܚܲܛܵܝܵܐ: ܢܟ̣ܸܦܬܵܐ ܕܝܼܘܼܟ̣ ܟܡܵܐ ܒܸܬ ܗܵܘܝܵܐ؟ ܠܹܐ ܡܵܨܲܚ ܥܵܒ̣ܕܲܚ ܠܗ݉ܘܿܢ ܓ̰ܲܡܥ ܟܠܵܝ ܚܲܫܹ̈ܐ ܕܡܫܝܼܚܵܐ ܩܘܼܒܸܠ ܠܹܗ ܒܚܲܕ݉ ܚܲܒܪܵܐ: ܒܘܼܬ ܐܵܗܵܐ ܒܹܐ ܡܘܼܡܟܸܢ ܝܼܠܵܗ̇ ܕܡܲܕܥܲܚ ܠܘܼܟ̣ ܡܘܼܕܝܼ ܐܸܘܩܝܵܢܘܿܣܹ̈ܐ ܕܓ̰ܘܼܢܓ̰ܵܪܵܐ ܒܸܬ ܫܵܦܟ̣ܝܼ ܥܲܠܘܼܟ̣ ܐܸܢ ܡܵܝܬܸܬ ܒܐܲܗܘܵܠܘܼܟ̣ ܕܚܛܝܼܬܵܐ. ܪܥܘܿܫ ܠܐܲܗܘܵܠܘܼܟ̣ ܘܠܵܐ ܡܵܝܸܬ݉ܬ ܥܲܠ ܓܵܢܘܼܟ̣ ܟܲܪܒܵܐ ܕܒܹܐܬܵܝܵܐ ܝܠܵܗ̇. ܣܒܘܿܪ ܒܒܪܘܿܢܵܐ ܕܐܲܠܵܗܵܐ: ܘܐ݉ܚܹܪ݉ܢܵܐ ܠܹܐ ܡܵܝܬܸܬ.