ܟܕ ܩܒܠܚ ܐܢܐ ܝܠܨܘܝ̈ܐ ܙܥܘܖ̈ܐ: ܕܦܝܫܚ ܚܘܠܢܐ ܘܦܝܫܚ ܡܘܩܘܝܐ: ܘܟܠܚ ܒܝܗ ܠܐܒܕ (ܐ ܦܛܪܘܣ ܗ: 10)

ܚܸܙܝܘܼܗ̇ ܝܬܘܿܢ ܩܸܫܬܵܐ ܫܡܲܝܵܢܵܝܬܵܐ ܓܵܘ ܥܲܝܒ̣ܹ̈ܐ. ܪܵܒܵܐ ܫܲܦܝܼܖܹ̈ܐ ܘܚܩܝܼܖܹ̈ܐ ܝܢܵܐ ܖ̈ܲܢܓܘܼܗ̇: ܡܸܓ̰ܸܕ ܫܲܦܝܼܪܬܵܐ ܝܠܵܗ̇: ܐܝܼܢܵܐ ܟܹܐ ܥܵܒ̣ܪܵܐ ܡ̣ܢ ܩܲܕ݉ܡ ܥܲܝ̈ܢܲܢ ܘܗܵܐ ܢܝܼܣܬ ܗ݉ܘܹܠܵܗ̇. ܖ̈ܲܢܓܘܼܗ̇ ܫܲܦܝܼܖܹ̈ܐ ܟܹܐ ܬܵܠܩܝܼ ܩܲܕ݉ܡ ܥܲܝܒ̣ܵܬܹܐ ܚܘܵܖܹ̈ܐ ܣܵܒܵܒ ܠܹܐ ܝܠܵܗ̇ ܦܵܝܫܵܢܬܵܐ. ܠܲܝܬ ܡܘܼܡܟܸܢ ܕܗܵܘܝܵܐ ܦܵܝܫܵܢܬܵܐ. ܚܲܕ݉ ܣܸܩܠܵܐ ܫܲܦܝܼܪܵܐ ܬܘܼܪܨܵܐ ܡ̣ܢ ܙܲܗܪܝܼܖܹ̈ܐ ܕܫܸܡܫܵܐ ܘܢܵܛܘܿܦܝܵܬܹ̈ܐ ܕܡܸܛܪܵܐ ܥܵܒ̣ܖ̈ܵܢܹܐ: ܕܵܐܟ̣ܝܼ ܡܵܨܹܐ ܥܲܪܩܸܠ؟ ܚܲܠܥܲܬܹ̈ܐ ܕܚܲܝܹ̈ܐ ܟܖܸ̈ܣܛܝܵܢܵܝܹܐ ܓܵܪܵܓ ܕܠܵܐ ܗܵܘܝܼ ܐܲܝܟ̣ ܩܸܫܬܝܼ ܡܵܪܲܢ ܒܫܘܼܦܪܘܼܗ̇ ܥܵܒ̣ܪܵܢܵܐ: ܐܸܠܵܐ ܓܵܪܵܓ ܕܗܵܘܝܼ ܡܘܼܩܘܝܹ̈ܐ ܘܦܵܝܫܵܢܹ̈ܐ. ܐ݉ܟ̣ܘܿܠ ܚܲܡ: ܝܵܐ ܗܲܡܸܢܵܢܵܐ: ܕܟܠ ܡܸܢܕܝܼ ܨܦܵܝܝܼ ܕܗܵܘܹܐ ܠܘܼܟ̣ ܗܵܘܹܐ ܚܲܕ݉ ܡܸܢܕܝܼ ܥܲܪܩܸܠܵܢܵܐ. ܛܲܒܝܥܲܬܘܼ̈ܟ̣ ܠܵܐ ܗܵܘܝܼ ܐܲܝܟ̣ ܟܬܵܒ̣ܬܵܐ ܥܲܠ ܣܹܠܵܐ: ܐܸܠܵܐ ܐܲܝܟ̣ ܩܝܵܪܬܵܐ ܥܲܠ ܩܵܝܵܐ. ܗܲܝܡܵܢܘܼܬܘܼܟ̣ ܠܵܐ ܗܵܘܝܵܐ ܚܲܕ݉ ܚܸܠܡܵܐ ܒܹܐ ܒܸܢܝܲܬ: ܐܝܼܢܵܐ ܗܵܘܝܵܐ ܩܘܝܼܬܵܐ ܗܵܕܵܐ ܕܡܵܨܝܵܐ ܠܸܟܠܵܝܵܐ ܩܲܕ݉ܡ ܗ̇ܘ ܢܘܼܪܵܐ ܨܵܘܵܢܵܐ ܕܒܸܬ ܡܲܩܸܕ ܠܩܲܝܣܵܐ ܘܠܚܸܠܬ ܕܢܵܣܸܒ̣ ܒܐܲܦܹ̈ܐ. ܗܵܘܹܝܬ ܕܒ̣ܝܼܩܵܐ ܥܸܩܪܵܐ ܘܟܵܘܟܵܐ ܒܚܘܼܒܵܐ. ܚܘܼܫ ܕܖ̈ܥܵܫܝܵܬܘܼܟ̣ ܗܵܘܝܼ ܥܵܡܘܿܩܹ̈ܐ: ܚܘܼܒܘܼܟ̣ ܗܵܘܹܐ ܫܲܪܝܼܪܵܐ: ܒܵܥܘܼܝܵܬܘܼ̈ܟ̣ ܢܹܓܵܪܵܢ. ܟܠܵܝ ܚܲܝܘܼ̈ܟ̣ ܗܵܘܝܼ ܗܲܕܟ̣ܵܐ ܡܘܼܩܘܝܹܐ ܕܟܠܵܝ ܠܵܗܹ̈ܐ ܕܓܹܗܲܢܵܐ ܒܘܼܖ̈ܵܢܹܐ ܕܐܲܪܥܵܐ ܗܸܟ̃ ܠܵܐ ܡܵܨܝܼ ܠܡܲܫܥܘܼܫܘܼܟ̣. ܐܝܼܢܵܐ ܦܵܟܸܪ ܡܘܼܕܝܼ ܝܠܵܗ̇ ܐܘܼܪܚܵܐ ܕܩܢܵܝܬܵܐ ܕܐܵܗܵܐ ܚܲܠܲܢܬܵܐ ܘܡܲܩܘܵܝܬܵܐ ܒܗܲܝܡܵܢܘܼܬܵܐ. ܗܸܡܸܙܡܵܢܹ̈ܐ ܕܫܠܝܼܚܵܐ ܒܹܥܒ̣ܵܕܵܐ ܝܢܵܐ ܐܹܫܵܪܲܬ ܠܝܲܠܨܘܼܝܹ̈ܐ ܐܲܝܟ̣ ܐܲܣܒܵܒܹ̈ܐ ܕܡܘܼܦܠܸܚܹܐ ܝܢܵܐ ܩܵܐ ܐܵܗܵܐ ܫܘܼܠܵܐ ــ ܟܲܕ ܩܲܒܠܲܚ ܐܲܢܹܐ ܝܲܠܨܘܼܝܹ̈ܐ: ܦܵܝܫܲܚ ܚܘܼܠܹܢܹܐ ܘܦܵܝܫܲܚ ܡܘܼܩܘܝܼܹܐ. ܠܲܝܬ ܠܲܢ ܗܲܓ̰ܲܬ ܠܹܗܘܵܝܵܐ ܒܗܹܒ̣ܝܼ ܕܕܵܒ̣ܩܲܚ ܟܵܘܟܵܐ ܐܸܢ ܦܵܘܚܹ̈ܐ ܙܲܖ̈ܒܵܢܹܐ ܠܵܐ ܡܵܚܝܼ ܥܲܠܲܢ. ܐܵܢܝܼ ܟܸܬܖܹ̈ܐ ܚܠܝܼܥܡܹ̈ܐ ܕܡܲܒܝܘܼܢܹܐ ܝܢܵܐ ܒܘܵܖ̈ܝܼܕܹܐ ܕܐܝܼܠܵܢܵܐ ܕܒܲܠܘܼܛܵܐ: ܘܐܵܢܝܼ ܦܬܵܠܝܵܬܹ̈ܐ ܩܵܖ̈ܝܼܒܵܝܹܐ ܕܦܲܥܘܵܢܘܼ̈ܗܝ: ܟܠܵܝ ܟܹܐ ܡܲܕܥܝܼ ܒܘܼܬ ܒܘܼܫܵܝܝܼ ܕܒܘܼܖ̈ܵܢܹܐ ܕܩܝܼܬܹܐ ܝܢܵܐ ܒܝܼܘܼܗܝ: ܘܐܘܼܦ ܟܹܐ ܡܲܕܥܝܼ ܒܘܼܬ ܥܵܡܘܿܩܘܼܬܵܐ ܕܟܵܘܟܵܐ ܕܐܝܼܠܵܢܵܐ. ܒܲܣ: ܟܪܸܣܛܝܵܢܵܐ: ܠܹܐ ܝܠܵܗ̇ ܘܵܓ̰ܸܒ ܕܐܲܢܟܸܪܸܬ ܡ̣ܢ ܒܘܼܖ̈ܵܢܹܐ ܘܦܵܘܚܹ̈ܐ ܕܓ̰ܘܼܖ̈ܵܒܹܐ: ܐܸܠܵܐ ܫܩܘܿܠ ܓ̰ܘܼܪܐܲܬ ܟܲܕ ܗܲܡܸܢܸܬ ܕܩܵܛܝܼܵܐ ܕܐܲܠܵܗܵܐ ܬܲܡܘܼܡܹܐ ܝܠܹܗ ܐܵܗܵܐ ܒܘܼܪܟܬܵܐ ܒܝܼܘܼܟ̣.